2010-09-25
នៅមុនពេលរដូវស្រូវទុំ និងការច្រូតកាត់មកដល់ក្នុងឆ្នាំនេះ ប្រជាពលរដ្ឋខ្លះដែលរស់នៅទីជនបទដាច់ស្រយាលនៃខេត្តសៀមរាប បានឲ្យដឹងថា ពួកគេកំពុងប្រឈមមុខនឹងការខ្វះស្បៀងអាហារ ដោយសារតែកាលពីឆ្នាំមុនពុំមានដីធ្វើស្រែគ្រប់គ្រាន់ និងពុំមានមានសត្វគោក្របីភ្ជួររាស់ផង។
RFA/Hang Savyouth
ស្ត្រីឈ្មោះ ឡិន លីន និងអ្នកជិតខាងអង្គុយចិតក្ដួច ដែលប្ដីរបស់គាត់បានជីកជញ្ជូនយកមកពីក្នុងព្រៃ នៅក្រោមសំយាបផ្ទះរបស់គាត់ ក្នុងតំបន់អូរប្រាំព្យាម នៃឃុំស្វាយលើ ស្រុកស្វាយលើ ខេត្តសៀមរាប (រូបថតកាលពីថ្ងៃទី២២ ខែកញ្ញា ឆ្នាំ២០១០)។
កម្មវិធីស្បៀងអាហារពិភពលោក (World food Program) បានឲ្យដឹងថា ចំនួនមនុស្សខ្វះជីវជាតិអាហារនៅប្រទេសកម្ពុជា មានកំណើនខ្ពស់បំផុតមួយ ក្នុងចំណោមបណ្តាប្រទេសក្នុងតំបន់អាស៊ី។
លោក ហង្ស សាវយុត រាយការណ៍ ៖
រូបភាព
កុមារតូចៗទាំងនេះ ជាកូនរបស់ប្រជាពលរដ្ឋនៅអូរប្រាំព្យាម។ ពួកគេបានចូលព្រៃដើម្បីដើររកជីកមើមក្ដួច និងជួយចិតក្ដួចជាមួយឪពុកម្ដាយរបស់គេដែរ។
ពួកគេមិនបានចូលសាលារៀនទេ (រូបថតកាលពីថ្ងៃទី២២ ខែកញ្ញា ឆ្នាំ២០១០)។
បុរសឈ្មោះ ម៉ាត់ ម៉ឺន និងប្រពន្ធរបស់គាត់អង្គុយឈូសក្ដួចដែលជីកបានពីព្រៃឲ្យក្លាយទៅជាចំណិតស្ដើងៗ ដើម្បីយកទៅត្រាំទឹកឲ្យសាបជាតិពុល និងយកមកចម្អិនចែកកូនហូប (រូបថតកាលពីថ្ងៃទី២២ខែកញ្ញាឆ្នាំ២០១០)។
